آل اینام
من ایله سن داشیریق چیگنیمیزده سیکوت آغیرتیسین
باخین سورولموش دؤشومه سوُنرا بوراخین منی! گؤسترمیشم آندیمی، دنیز سوساییب! قوُیین دانیشیم، بوُغاضیمدا سؤز بوُغولماسین اوُ چاغکی قارا بولوددان آساجاغسیز منی قوُیین آغریمی آخیم قبیرلره سس سیز سورویون منی،اوُ داغ اوُیانماسین اهی! یوُلچولار! آپارین یوُللارا سس یاووروما دئیین: "ساعات قانمیر سئودانی" ، یوبانماسین سسیمی داغ داغلاییر جوُشور توُرپاقدان پاسلی توفک لر سیخیم لاریمدا قوُزامیشام توُرپاقی دؤشومدن داش آستلانیب اوُ چاغکی آنلادیم باییرین یاش گؤزلرین، دنیز توُرپاق سوساییردی ساواشچیام یاناقلاریم سیندیریر یئل جییناقین آند ایچیردیم قوُزایام جنازه لری قالخیب ماوی قاندان،دوُلدورام ائل چایناقین گونشی دوهارلارا باغلاییب یوخلادام سولاری شلاله لرده ساواشچیام... اینام-آذر ۸۲ گؤزلریم یاندی باخیشدا قودورموش ایت کیمی سوزولدولر آرزوموزدان دوُغوم سوز دیلگ لر ازیلدی یابانجی آیاقلارین قوجاغیندا آنالارین توپورجک لرینین حورمتینه گووردی چیچک توُرپاقدان قالخا بیلمه ین آیاق لاردان یالین یالین قان سوُموردو تورپاق کلله سیز آتالاردان هورکدو جوُجوقلار یانمیشام اوُدون سوز یابانجیلاردا کؤنول سوز دؤشلره الینده قیرباچ آیاقدا پوُلاددان تیکیلن باشماق وار ایاقلاری یارالی کؤرپه جوُجوق آتدیم لاری ایله قوُرخودان آناسین قوجاغینا قاچارکن جوُجوغ گؤزلری توتمور یاشین باغریندا وحشت لی هارای جالانیر فیکیرلره کولومده ن بیتدیم سوسوز قاندان کؤرپه دیلگ یارپاقلاریم گویه رمدن، اوزولدو مندن اوُی...سوُلدو آرزولاریم... قالخیز منی یوُلداش قوُجالدی آنالار بیتدی ایلدیریم الینده آغاردی ساچلاری یوُرغونلادی گنچ باخیشلاری آلنیندا قویلاندی اومود یوُر... یوُر... یوُر یوُللاری یوُلداش! دین... دین... دین دیلگ لری! دیلسیز گؤزسوز آغلا! ساریق سیز یارامی باغلا سوسوز سؤندور اوُدومو شاققا شاققا چیخ گئت! اینام-شهریور۸۱ چاغیریلمامیش قان قوُناغ اوُلدو گؤزلره کوُر یابانجی لار آلدی هر بیر واریمیزی،هر بیر یوُخوموزو چوُخ گؤردولر بو فاقیر کؤنلوموزه بیر سئوگی ایستکینده دیلگیم دوُداقا چاتمامیش پای وئریلدی کوله گه یار مندن آییریلدی اوتقوندوم آجی دادین بوُغاضیمدا تامارزی قالدیم بو سئوینمک دادینا آغزیمدا نیفرتلی توپورچک چالخالانیر شیرین یوخودان دینج گؤرمدی کؤرپه نین یوُرغون گؤزلری آجی یوخولار اوُیاندی چارتلادی سینیرلی داغلار گیره ولر قوُجالدی نئجه بیلمدین طایفامین یانار گونون بو یارالی للکده سایریشمادی اولدوز چیرپینان کؤنول یوُخدور دنیزده چالپالانمیر عیناد سولار؛ توُرپاغین چارتلایان گؤزلرینده نئجه بیلمه دین؟ آنامین وورغون گؤزلری بوُغولدو یوُلدا اوره گیندکی کؤز کدردن،سولار آلیشدی بو اونودولموش طایفادا گیزلین دویغولار جالانمادی دیلنجی دوداغلارا سن دین تانری! نئجه آغلاییم سنه؟ نئجه سیزلاییم سنه؟ اوُی منیم توُیسوز قوُجالان طایفام اینام-دی۱۳۸۱ بایقوش دینمیر سو شارقی سیندان گیلئیلی سؤزلر عیناد قولاغلاردا قوُجالدی یئنه ده گونش ایچیمده آلیشدیریر سوُیوخ کولو قوُجا چایلاریمدا بیر گیلئیلی قان پاسلادیر قایا یئریشلری آل گؤیدن ماوی قانلار دوُنموش جنازه لری اؤپدو اوُی سندن ایراق سئوگیلیم... اجل قارا اللرین سواشتیریب اللریمه قاچیرام سنه... سارای لی سودان،آتدیمیم اوتانیر کئچه اوتانیرام گونش یات! قوُی آرخایین کئچیم نئجه دینمیر بو داغ؟ گؤزلری چیلپاغ دوُنوب گونش گؤزلدیم گئجه نی سوُنسوز اینتیظار... هورکدوم قارا آیدان گونش اؤلوب قان اییسی گلیر هارای... هارای... هارای... خومار گؤلریم هئچ هایادا اوُیانمیر چیگنیمده آپاریرام گونش جنازه سی ایله بیر سارالمیش تاریخ گئجه لری آشا آشا بو گئرچگی ایمضالادیم بیر من قالمیشام بیر گیلئیلی تانری گونش جنازه سی چیگنیمددی یالنیز. اینام-خرداد۸۲ دملامیر آل تورپاغا چن آرزوسوندا قالان داغلاریما گلین کؤچوب شنلی آرزولار ائویمدن قوناغ گلیب قارا قالچیق بولود دوماندا دینج آلان یوللارا دویمادیم دورو دوماندان اوتاندیم تانری سؤزوندن بیر نئچه آتدیم سسی دینله نیر سئوگی لردن آییریلان تورپاغ منی دیلله ییر بایراقیمیز بیر ایگید عسگر کیمی هوُپوب تورپاغا داغلارین قاداسی دوشوب جوُجوغ باخیشلارین آتدیملارینا آخ...هئی...گوناهسیز کؤرپه لر گؤزونده آی تک بیر اینجی اسیر آنالار اللرینده آل ایلدیریم وار بیر غریب یوُلچو گئدیب ائلیمدن نئچه قارا باخت گؤز هؤروکله نیب یوُللارا اهئی یوخوموزداکی یوُلچو! نئجه آرخایین یاتیم،قوجا داغلاریم یاتماییب سئوگیمین دوداغیندا بولود وار دوُداغیمدا بیر باخیش باییر اوی...گؤزومدکی سئودا نئجه اژپوم سئوگیلی دومان توُرپاغا چاتماییب آلنیمدا قان... اوُنون دوُداغیندا قارا باخت توُرپاق وار کؤنلومده پاسلانمیش بیر سئودا باشماقیمدا یارالی گئرچک وار باخیشیمدا آییریلیق دانیرام دوُداقلاریم باییر تک قویلانیر سؤزلره بارماقلاریم بیرلشیر آنجاغ آنامین اوره گی قاباغیمدادی آغلار بوُینومدا بیر لئچک وار بو یولون تورپاغیندا حورمت دوماندا بیر حسرت قالیر آییریلیقدا بیر سؤز وار. اینام-فروردین۸۲ نفسیمی اینله! غملرینی قالخیز، یاراما قوُی! سیس! لام سسی دینله! آخ...ائی...! دوُداقلارینی بوزمه!قوُرخمادان قوجاغیما گل! پیتراقلی باخیشلارینی هؤر! بير ساعات شیرین باخیش گؤزلریندن گتیر گؤزلرین قوتارمیر هله سارماشیب تاریخیمه قانیمیز قاردا قویلانیب قوُیون قوجاغیندا قوربان قالیب هله! قلمیم دوشور الیمدن آل جیزیق چک کیتابدا سین سین گزیرم اوُ شیرین آنیمی توف...بو دونموش گئرچکه! گؤزلرینی آچ یاووروم! دارغین دارغین بو یوُلدا گولومسلنک بیرده اینانمایاق یوخوموزداکی اوُ شیرین آنی. اینام-خرداد۱۳۸۲ چیلپاغ گوزلرینده قوجا ماهنی گوردوم قورخما اولن دئیلم آغلاما داغلارین نازی! دامارلاریمدا آرخایین قان وار قوجاغیمدا یارالی گئرچک بو گئجه گئدیرم سندن اوزاق اویانما نازیم،قوُی آرخایین گئدیم قوجاقلایا بیلمه دیم،یارالییدیم سینیق کونلومون سسی جالانیردی اوپوشدن اوتاندیم،آنام وارییدی دوداقلاریم اسدی سیزلادیم بیردن دونموش اللریمی اوره گیمه باسدیم باخدیم آمان سیز... اوُخای گوزلریم... یوباندیم یامان گوزوم دوُیمادی آنجاق آرای سالامی قولاغیما چاتدی آنام بیلیردی مندن، قاییدان یوُلچو اولماز بیردن آغلادی نیسگیللی باخیشدا اومود گوزگوسی سسینه بولوندی گولومسوندوم... دئدیم:"هله لیک" گئتدیم دونرسیر بوران لای لایی اوزاتدی منی باشیمی قویاندا دوُنموش تورپاقا، آنامین اوره گی گوزومه بیتیشدی سسین دینله دیم: "اوُخای یات!" دئدی چیلپاغ گوزلرین بوروندی بیردن! بیلدیم بو یئلده نیسگیللی سوز وار اوُلمایا من سیز،آغلایاسان سن چیگنیم یاتایدی؛ اوُیانما گلدیم. اینام-بهمن۱۳۸۲ داشییریق چیگنیمیزده سیکوت آغیرتیسین! دورت ناللی چاپیریق ساعات لاری بلکه بو دارغین یوللاردا داناغ سینیرلی تاریخی! اینام-۱۳۸۲مرداد بولود دیلی ایله پاسلاندیر نامردین اوره گین اهی دورو ایستک! بولودلارین دالینداکی اولدوز سنسیزلیگه آلیشیب گلجه گینه موشتولوغ آلیر یئل آغاجدان سارالمیش یارپاغین. اینام-۱۳۸۱پاییز
